نبضه الم

زفه وفرح........معازيم كتير

صوت الغنا طالع .....بس الفرح ليه دفين؟؟؟

كان فيه صوانى رايحه جايه......كان فيه قلوب متجمعين

النور منور...لكن فى ضلمه غريبه !!!جايه منين؟؟؟!!!

ياهل ترى الحزن يكسب؟ولانفضل فرحانين

فجأه وبدون انتباه وقع الصبى من كتف ابوه !!!!بس لحقناه

لكن فيه حد متلحقشى وقع وقلبه مات مفقشى

كانت الجميله وسطنا...كت قلب طيب ضمنا

لوحزن الدنيا كله شيله تنفضه عنك وتمشى

وكأن دنيا الفرح ماتت

الى كانو بيهنو ...وقفو يعزو

وصحاب الفرح على الارض جريو يلحقو بس منفعشى

يعينى على افتكر يوم زفافه يوم فرحه

كان هيفرح بس مفرحشى

راضيين يا رب بقضاءك بس هيه الفرقه جارحه

ليه يانور انت كمان حزين وطفيت قناديلك؟؟

حسيت بموتها ولا نورها كان بيناديلك؟؟؟؟

اقلعو البهارج خفو زينتكم واتوشحو بالسواد

نفس الى كانو فى الفرح هما الى كانو فى الجنازه

هدوا الفرح مخلاص وانصبوا صوان الجنازه

ارمى التراب ...دارى العيون الطيبين

مشتاقين يلاقو رب كريم

مهما ترمى مش هتخفى فى يوم المنا

يارمل ماتقساش عليها دى كل حبه فيك دموعنا

قلها كان نفسى اضمك وابكى فى حضنك قبل متودعنا

قلها حبيناكى لحد ما روحتى منا

قلها ان الحب باقى والتراب هيوارى جسمك بس روحك لسه بينا

حاسه نفسك جمبى دايما بيقلى زعلك مالهوش معنى

ارمى التراب دارى العيون الطيبين

ارمى التراب عليها وعلينا

متقلش هيه بس الى ماتت

محنا برضو ميتين